Recent Posts Widget


පාස්කු ප්‍රහාරය සම්බන්ධයෙන් සැකකරුවන් දෙදෙනෙක් අද(14) රාත්‍රී 7ට පමණ පුත්තලමේ දී අත්අඩංගුවට ගෙන තිබේ.

2019.04.21 වන දින පාස්කු ප්‍රහාරයට අදාළව විමර්ශන මෙහෙයවන ලබන අපරාධ පරීක්ෂණ දෙපාර්තමේන්තුවේ විශේෂ විමර්ශන කණ්ඩායමක් මඟින් මෙම පුද්ගලයින් දෙදෙනා අත්අඩංගුවට ගෙන තිබේ.

අත්අඩංගුවට ගත් එක් සැකකරුවෙක් අංක 111, 10 වන පටුමඟ, මරික්කාර් මාවත පුත්තලම යන ලිපිනයේ පදිංචි 41 හැවිරිදි පනියුදීන් මෙහොමඩ් රියාජ් බදියුදීන් නැමැත්තෙකි.

ඔහු හිටපු පාර්ලිමේන්තු මන්ත්‍රී රිෂාඩ් බදියුර්දීන්ගේ සහෝදරයෙකි.

අනෙක් පුද්ගලයා අංක 2, 3 වන පටුමඟ, නිව් සෙට්ල්මන් පාර, පුත්තලම යන ලිපිනයේ පදිංචි වයස අවුරුදු 40 ක් වු අයෙකි.

ඔහු සම්බන්ධයෙන් ‍තව දුරටත් විමර්ශන සිදු කරනු ලබන බව පොලීසිය පවසයි.

අපරාධ පරීක්ෂණ දෙපාර්තමේන්තුවේ විශේෂ විමර්ශන කණ්ඩායම මඟින් වැඩිදුර විමර්ශන සිදු කිරීමට නියමිතයි.




යහලුවන්ටත් බලන්න Share කරන්න.

Post a Comment

Powered by Blogger.