Recent Posts Widget

කොවිඩ් 19 වෛරස ව්‍යාප්තිය සම්පූර්ණයෙන් පාලනය කරන තුරු අවස්ථානුකූලව නියෝග පැනවීම සෞඛ්‍ය සේවා අධ්‍යක්ෂ ජනරාල්ට තවදුරටත් බලාත්මක කරමින් සෞඛ්‍ය අමාත්‍යාංශය අති විශේෂ ගැසට් නිවේදනයක් අද (10)රාත්‍රී නිකුත් කිරීමට නියමිතයි.

සඳුදා සිට බලපැවැත්වෙන පරිදි රට විවෘත කිරීමෙන් පසු රාජ්‍ය සහ පෞද්ගලික ආයතනවල සහ ජනතාවගේ සනීපාරක්ෂක කටයුතුවලට බලපාන රෙගුලාසි එම ගැසට් නිවේදනයට ඇතුළත් බව සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා ප්‍රකාශ කළා.

රෝග හා නිරෝධායනය වැළැක්වීමේ පනත යටතේ මෙම රෙගුලාසි පනවනු ලැබෙනවා.

එම ගැසට් නිවේදනය සෞඛ්‍ය අමාත්‍ය පවිත්‍රා වන්නිආරච්චිගේ අත්සනින් නිකුත් කිරීමට නියමිතය.

කෙළ ගැසීම, බුලත් කෙළ ගැසීම පාලනය කිරීම, රාජ්‍ය හා පෞද්ගලික ආයතනවල සිටිය යුතු උපරිම සංඛ්‍යාව වැනි කරුණු සඳහා ද මෙම ගැසට් නිවේදනයෙන් රෙගුලාසි පනවා තිබෙනවා.

මේ අතර රෝග සහ නිරෝධායනය වැළැක්වීමේ පනත යටතේ සෞඛ්‍ය අමාත්‍යාංශය ගැසට් කර ඇති සෞඛ්‍ය සිරිත් පිළිබඳව ඉදිරි දෙසතිය තුළ ජනතාව දැනුවත් කිරීමට පොලිසිය තීරණය කර ඇති බව වාර්තා වනවා.

මෙම සෞඛ්‍ය සිරිත් උල්ලංඝනය කරන පුද්ගලයන් ඉන් පසු අත්අඩංගුවට ගැනීමට නියමිත බව නියෝජ්‍ය පොලිස්පති නීතිඥ අජිත් රෝහන පවසනවා.

නිරෝධායන නීති මත රට විවෘත කිරීම, කාර්යාල, ෆාමසි සහ කර්මාන්ත, වෙළෙඳසල් විවෘත කිරීම මෙහිදී සිදුවෙයි. මෙම කාලය තුළදීද රැකියා සඳහා අවසර හිමි අයට පමණක් සේවා ස්ථාන සඳහා ගමන් කළ හැකියි.

වෙනත් සාමාන්‍ය වැසියන් ජාතික හැඳුනුම්පතේ අංක භාවිත කරමින් ළඟම පිහිටි වෙළෙඳසලට හෝ ෆාමසියට පමණක් ගමන් කළ හැකියි.මෙම නීතිරීති බස්නාහිර පළාත් සහ පුත්තලම දිස්ත්‍රික්කයට පමණක් වලංගු වනවා.

යහලුවන්ටත් බලන්න Share කරන්න.

Post a Comment

Powered by Blogger.